Fins/Oetspraok

Veurblaad - Recènte verangeringe - Alle Artiekele - De Kaffee - Zandjbak - Hölp - Willekäörige pazjena - Aanmelle veur Wikibeuk - Gebroekersportaol - Spellingshölp - Bokelies

De klemtoean in 't Fins vèltj ummer oppen ieëste littergreep, daoveur wuuertj deze neet aangegaove.

In princiep waere lang klinkers döbbbel gesjreve; 'tzelvendje geldj ouch veure lang klinkers. V'r haje zoväöl meugelike de internasjenaal fonetische spèlling aan: hiebie steit "i" veur 'n korte "ie" en "ii" veur 'n lang "ie"; "u" steit veur 'n korte "oe" en "uu" steit veur 'n lang "oe"; "y" steit veur 'n korte "uu" en "yy" steit veur 'n lang "uu".

Wo verwarring kin óntstaon deile v'r de diftonge op mit e streepke, wie "hu-one-isto".

De "h" wuuertj ummer zoea oetgespraoke; ouch inne midde van e waord.

'n Aantaal aan klenk zölle v'r wiejer toelichte:

ə is 'n stum "e" wie in 'n ónbeklemtoeandje posiesje;
e is 'n Limburgse "e" wie in "drek"; "ae" is 'n Limburgse "ae" wie in "spraeke";
è is 'n Limburgse "è" wie in "trèkke"; "ee" is 'n Limburgse "ee" wie in "reeks";
ö is 'n Limburgse "u" wie in "lup", meh get korter oppe Limburgse "ö" van "pöt";
eu is 'n Limbörgse "eu" wie in "heup";
de g steit veur 'n Limburgse "gk" wie in "zègke";
de r is ummer rollendj;
sj steit veur 'n Limburgse "sj" wie in "sjaop".