Äöpen houfmenu

Fins/Praktiekzake/Banke, poskentoearen en sjup

Veurblaad - Recènte verangeringe - Alle Artiekele - De Kaffee - Zandjbak - Hölp - Willekäörige pazjena - Aanmelle veur Wikibeuk - Gebroekersportaol - Spellingshölp - Bokelies


De banke zeen vanne maondig toet en mitte vriedig van 9.15-16.15 oeren aop. Ouch in Finlandj is d'n euro ingeveurdj gewaore, meh de muntje van einen en twieë cent waere neet gebroek in 't geldjverkieër.

Poskentoeare zeen op wirkdaag van 9.00 toet 17.00 oeren aop, mer saoterdigs zeen die toe. Bie grótter poskentoeare kónne geldj en reissjeks waeren ingewusjeldj.

In Finlandj kan me-n in sjup (winkele) neet mitte pinpas, det wil zègke de giro- of bankpas, betale, meh waal mitte credietkaart. Geldj opnumme bieje pinautomaat kan aevel ouch in klènder (kirk)dörpkes. 't Guuef zowaal pin- es betaalautomate (maksuautomaatti). Bieje betaalautomate kónne de Finnen häör raekeninge betake, meh boetelenjers kónne det neet. De pinautomate, wobie mit 'ne giro- of bankpas gratis geldj kan waeren opgenómme, zeen te herkènnen ane gael kluuer ennen teks Otto. Ze höbbe twieë gleuve, wovan me dem dae mit gael is aangegaove mót keze.

Incidenteel waere poszegele same mit aanzichkaart verkóch. In groeate stej zeen op centraal plaatse poszegelautomate.

Telefonere nao Nederlandj of 't Belsj geit es völg: 00 - landjnómmer (31/32) - netnómmer sóngere nól - abonnementsnómmer.

Äöpeningstieje van sjup zeen innen algemeint van maondig toet en mit vriedig van 9.00 tet 18.00 oeren en oppe zaoterdig toet 13.00, sómwiel toet 16.00 oere. Waarhoezer zeen döks langer aop en owwel oppe zóndig. Laevesmiddele zeen vriewaal ummer örges te bekómme. Lich beer en cider kan me koupen in gewuuen laevesmiddelesjup; euverige alkoholhajendje drenk in staotssjup mitte naam Alko.