Fins/Praktiekzake/Euvernachte

Veurblaad - Recènte verangeringe - Alle Artiekele - De Kaffee - Zandjbak - Hölp - Willekäörige pazjena - Aanmelle veur Wikibeuk - Gebroekersportaol - Spellingshölp - Bokelies

Dees rubriek geit euver euvernechtinge.

Hotelakkómmedaasje

Hotelli: 't guuef versjillige klasse, mit veurdeilige aanbejingen in 't zómmersezoen en oppe waekènjdaag; 't is baeterkoup óm te betale mit in Nederlandj of op 't Belsj gekóchte hotelsjeks;
Kesähotelli (zómmerhotels): ónger anger studenteflats waeren inne zómmer gebróch es 'n veurdeilige toeristenakkómmedaasje veur 'n nach of langeren tied;
Matkakoti/matkustajakotti (pensjóngs): dees kómme neet väöl veur;
Lomamökkejä (verkansjebungalows): vriestäöndje inne netuur of in 'n mökkikylä (bungalowpark), van hieël einveljig toet ruum en luuks, ummer kómplieët ingerich;
Bed and breakfast: 'n kamer mit mörgesaetes, juus wie de bèddebrekfes bie ós;
Retkeilymaja: jeugherberge, veur alle laeftiejen en alle kattegoriejen aan toeriste;
Leirintäalue: kempinge mit döks lomamökkejä, einveljige houtere huuskes mit twieë of veer slaopplaatse. Hieveur haet me-n e Fins of internasjenaal kempingkarnèt nuuedig det me-n op eder kemping kan koupe. 't Guuef zich hie väöl van, wovan väöl op döks sjoean-gelaenge plaatsen en sómmige die 't ganse jaor door aop zeen.

Vrie kamperen is in Finlandj allein toegestange mit toestumme vanne landjeigenieër en in 't kader van jokamiehenoikeus: 't almansrech, de rechten en plichte van ederein dae vanne vriej netuur wiltj genete. Dit hèltj in det me plantje, baere, zwem en zo wiejer maag plókke wen ze ónzeldjzaam of ónbesjurmp zeen, en det me neet te kortbie aan 't woonirf van luuj maag kómme.

Infermaasje euver dees facètte van e verblief in Finlandj kan me bekómmen oppe site VisitFinland.com en bieje Matkailutoimistot (VVV-kentoeare) in Finlandj, die ouch deens verlieëne bie 't rizzervere van akkómmedaasjes.