Recep lödderkesvla
Veurblaad - Recènte verangeringe - Alle Artiekele - De Kaffee - Zandjbak - Hölp - Willekäörige pazjena - Aanmelle veur Wikibeuk - Gebroekersportaol - Spellingshölp - Bokelies
Zuuch ouch: Flaaj baozesresip
Recep lödderkesvla
bewirk'ne Ouwerwètse vla weurt gebakke op 'n zjwarte, iezere vlaplaat van 28 of 30 cm. Allewiel deit me 't bakke ouch in kleiner vörm, ouch vanwege 't kleiner gezin.
Recep van 'ne lödderkesvla:
- 250 gram bloom
- hemfelke, ca 15 gram, gis (of 5 g korrelgis)
- 20 gram verkesvèt of boter
- ca. 1 deciliter mèlk
- 1 eetlepel soeker
De giesdeig make: De gies mèt get lauwe mèlk menge. Van de bloom, 't vèt of de boter, de soeker, de gies (of höffe) en de lauw mèlk 'nen deig make. Al good doorknae en daonao op 'n werm plek, ónder 'nen dook, laote sjtoon um te laote rieze, ongevaer 1 oer.
Naodat de deigbol gereze ies, nog ins doorknae en dan oetrolle mèt 'n deigrol tot 'n platte rón vörm woamèt 'n vlaplaat ruum bedèk kènt were. Dus 'ne centimaeter of 3 miè es de doorsjnee van de vlaplaat. De deig dae oetsjtiek mèt de deigrol rollentaere euver de rand devanaaf sjnieje. 't Opsjtaond rendsje vochtig make um nao ´t bakke 'n broen rendsje te kriege. De baom hie en dao inprikke mèt 'n versjèt en dan nog ins laote rieze.
De baom weurt dan belag mèt sjpies van kouw vröchte of vröchtemoos. Van 'n res van de oetgerolde deig reepkes sjnieje van óngevaer eine centimaeter breid (mèt 'n radeerraedsje). Die kruusgewies euver de vla drapere zoadat 'r 'n nètwerk óntsjteit.
Bakke in 'ne heite ove, ongevaer 20 minute.