Remunjs: Versjèl tösje versies

Verwijderde inhoud Toegevoegde inhoud
Geen bewerkingssamenvatting
Limhes (Euverlèk | biedrages)
Geen bewerkingssamenvatting
Tekslien 2:
 
==Kinmerke==
'ne Bekinde indicator veur de midde-Limburgse dialekte zeen de wäörd ''det'' en ''hert'', taegeneuver 't Zuud-Limburgs ''dat'' en ''hart''. 't Remunjs is ouch wie alle dialekte in de omgaeving zjwaor [[mouillering|gemouilleerd]]. De Middeleeuwse [[diftong]]e ''ie'' en ''oe'' versjiene in 't Remunjs neet es ''ieë'' en ''oeë'', wie in 't [[Venloos]] en [[Wieërts|Weerts]], en neet es ''ie'' en ''oe'', wie in 't [[Mestreechs|Mesjtreechs]], mermaar juus wie in 't [[Nederlands]], es ''ee'' en ''oo'': ''heer'' en ''sjoon'' veur ''hier'' en ''sjoen''. Dees ontwikkeling sjteit gans los van 't Nederlands, omdet 't gebied wo-in dit veurkump gans omsjlaote wird door dialekte wo-se ''hieër, sjoeën'', ''heeër, sjoan'' of ''hier, sjoen'' zuus. 't Waord ''awd'', wird in Remunj gerealiseerd es ''aad'', tegeneuver 't noordelik ''ald'' en 't zuudelik ''aud''. Vreuger, in de negenteende eeuw, is 't in 't Remunjs ouch ''ald'' gewaes, wobiej de verbaoge mannelike en vrouwelike vörm ''aje(n)'' en ''aaj'' wore. Onger drök van die vörm haet de verangering nao ''ald'' plaatsgevonje. 't Waord ''zalt'' "zaajt", waat volges de klankwètte eigelik es *''zaat'' haaj motte klinke, is nog 'n euverbliefsel oet dae tied.
 
'n [[Sjibbolet]] veur Remunjse luuj in de dörper om de stad haer is de oetsjpraok van de ''ie'' op plaatse wo-se in de dörper 'n ''i'' heurs ([[i-ie-allofonie]]), veur 'n ''n'' of veur 'n ''s''. 'n Sjtereotiep zinke is ''Kiendj, pies mer op de ker, mer neet op 't brood!''