Veurblaad - Recènte verangeringe - Alle Artiekele - De Kaffee - Zandjbak - Hölp - Willekäörige pazjena - Aanmelle veur Wikibeuk - Gebroekersportaol - Spellingshölp - Bokelies
De mieëvaadsoetgank is -t , mer es nag 'nen angere naamvalsoetgank achteraankump, is 't teike vanne mieëvaad -i-, wie auto "auto", autot "auto's", autoissa "inne auto's". 't Fins kèntj onna 'ne zoea-geneumdje partitiefmieëvaad dae döks wuuertj gebroek veur 'n ónbepaoldje wieväölheid aan te gaeve, wie juna "trein", junat "de treins", junia "treins". Nao e tèlwaord (behauve "ein") gebroek me 't zoea-geneump partitief inkelvaad, wie kaksi junaa "twieë treins". E liejendj veurwirp krieg döks d'n oetgank -n, mer in hieël väöl vel ouch weer de partitiefoetgank, wie ostan kirjan "ich koup e book", ostan leipää/omenoita "ich koup wegk/appele".
- Achterveugselen en achterzètsele
't Fins gebroek inplaats veurzètsele (in, op, veur, en zo wiejer) naamvalsoetgeng of achterzètsele. De klinkerhermenie vindj ouch hie toepassing. 'n Aantaal aan naamvalsoetgeng haet daoveur twieë vörm, wie in: -ssa, -ssä (talossa "in 't hoes", kädessä "inne handj"), op: -lla, -llä (kadulla "oppe straot", pöydällä "oppe taofel").
't Fins gebroek inplaats bezittelike veurnaamwäörd (miene, diene, ziene) ouch achterveugsele, bieje derdje persoean inkel- en mieëvaad steit ouch hänen en heidän daoveur, wie:
- taloni "mien hoes"
- lapseni "mie kindj"
- talosi "dien hoes"
- lapsesi "die kindj"
- hänen talonsa "(dem) zien hoes"
- hänen lapsensa "(dem) zie kindj"
- talomme "oos hoes"
- lapsemme "oos kindj"
- talonne "eur hoes"
- lapsenne "eur kindj"
- heidän talonsa "häör hoes"
- heidän lapsensa "häör kindj"
De völgrie vanne oetgeng enne achterveugsele steit vas: zelfstenjig naamwaord (root) + mieëvaadsoetgank + naamvalsoetgank + bezitteliken oetgank + anger achterveugsele, wie:
- talo "hoes"
- talossa "in 't hoes"
- taloissa "inne hoezer"
- taloissani "in mien hoezer"